| 如閣下不能閱讀此郵件，請點擊此處!
如閣下不希望再收到此郵件，請取消訂閱. |
|
|
|
| 港超360 |
|
| 【港超Moment - 標準灝天謝雷（卓卓）：I'm Back!】 |
|
| 【港超Moment - 標準灝天謝雷（卓卓）：I'm Back!】當年喺內地甲B聯賽球隊效力時佢個名叫熱拉、轉戰香港球壇之後就叫卓卓，後來又改左叫做謝雷，呢個名亦都成為佢身份証上面既中文名。無論邊個譯名都好，睇本地波經驗有返咁上下既球迷一定會認得呢個廿歲未夠就嚟香港搵食，之後仲攞埋護照踢香港隊既球員，就快38歲既佢今季仲重返香港球壇，為標準灝天上陣對南華表現都唔差架。離開香港球壇幾年，曾經喺澳洲考到飛機師牌既謝雷大部分時間都喺袋鼠國，不過佢冇轉行做「Captain Cool」，反而從事返老本行既足球，效力州聯賽球隊，之後仲喺其中一隊波做埋一隊教練，到今年四月先離任添，不過最令人估唔到既，就係佢返香港竟然係復出踢返波。就快38歲既佢梗係冇18歲既活力啦，難得係佢落到場都交足課，每逢球隊有罰球、角球，佢都上去助攻，參與攻勢之後又要回防，大熱天時都咪話唔辛苦，由於復操冇耐加上唔後生，好幾次回防佢都要花啲時間，不過，一下精彩既飛剷踢走陳肇麒腳下球，仍然有唔少人為佢喝采。「家下我都係廿五歲啫。」見返班傳媒朋友，謝雷又講下笑，但佢都知道要認老：「我真係冇可能踢太多比賽喇，今次返來都係想用返教練既知識幫下後生仔成長，有信心就掂。踢返比賽係幾開心，而且感覺好好，不過我練返波只有兩星期，要即刻上力係難，俾多兩星期後就夠啦，動作慢左我就多動腦筋去應付比賽囉。」-標準灝天 第二週賽事-標準灝天 vs 香港飛馬9月11日 斧山道運動場 下午2點半#港超Moment #港超360
|
|
|
|
|
|
|
|
|
|
| 港超賽程 |
|
| 【第2週賽程！】- 2016-17年度中銀人壽香港超級聯賽 |
|
| 【第2週賽程！】- 2016-17年度中銀人壽香港超級聯賽隔左個星期又到第2週港超聯！星期五晚上8點有港會主場迎戰和富大埔，兩隊港超升班馬第一週都未能搶得分數，睇下今仗把唔把握到啦！星期六下午2點半有冠忠南區主場迎戰理文流浪；而5點半有R&F富力首次登場係旺角大球場作客東方龍獅。星期日下午2點半標準灝天會係斧山道運動場迎戰香港飛馬！尾場有第一週均獲大勝嘅傑志同九巴元朗對戰，唔得閒入場嘅球迷亦可以睇東網直播。今個星期邊隊可以順利搶分呢? 週末繼續Embrace The Moment!#港超賽程 #東方龍獅 #傑志 #冠忠南區 #香港飛馬 #九巴元朗 #流浪 #和富大埔 #港會 #標準灝天 #富力R&F #EmbracetheMoment |
|
|
|
|
|
|
|
|
|
|
|
|
|
|
© 2005 - 2016 Hong Kong Football Association Ltd. 轉發郵件 | 更新郵箱資料 | 取消訂閱
香港足球總會
地址 : 香港九龍何文田佛光街55號
電話 : (852)2712 9122 傳真 : (852)2768 8825 電郵 : hkfa@hkfa.com (一般查詢
) |
|