如閣下不能閱讀此郵件，請點擊此處!  如閣下不希望再收到此郵件，請取消訂閱.
港超360
【港超Moment - 九巴元朗少帥曾昭達領軍「始於足下」！】
【港超Moment - 九巴元朗少帥曾昭達領軍「始於足下」！】

二十七歲，本應係足球員生涯嘅黃金年齡，曾昭達就揀咗接受挑戰，成為 元朗足球隊主教練。教練工作對佢嚟講並唔陌生，之不過以往執教嘅係學界隊、女子隊，而家教嘅係對成績睇得更重嘅職業隊，難怪達Sir賽前有少少緊張，將對港會嘅比賽視為大戰。

「對我考驗其實都大。始終我係初哥帶隊，無論對咩對手都會係大考驗。」身為港超最年輕嘅主帥，部分球迷總會對達SIR既能力抱有疑問，連球隊支持者表態歡迎佢之餘都話佢要向球迷證明自己，難怪達Sir賽前抱住期待又緊張既心情，比賽期間都冇一刻放鬆，全場表現肉緊，到賽後終於可以鬆口氣話：「總算贏左，但我都唔希望停步，無論自己又好、球隊又好，都要繼續進步。」

達Sir話成場波佢就冇咩太大擔心，係雲迪奴域傷出後亂左少少部署。「1：1之後Alex受傷，都有亂左部署同緊張，但係球隊全場發揮都唔錯，遇上考驗唔係太大，係入左第四、五球後放鬆左少少，係有不足之處。」

前排一場季前熱身賽，曾昭達完場後同東方龍獅隊長、昔日香港09同埋華家堡隊友葉鴻輝握手，當年嘅隊友而家一個係港超「少帥」、一個係港人心目中嘅英雄，人生唔同階段嘅選擇將引領人走上唔同既路。職業球員生涯悄然落幕，教練生涯仲有漫漫長路，前面等待住達Sir既可能係苦、係甜、有勝利、有失敗，一切難以預料，但至少「千里之行」已經「始於足下」。

-九巴元朗第二週賽程-
傑志 vs 九巴元朗
9月11日 17:30 旺角大球場
#港超Moment #港超360
港超賽程
【南華 1:0 標準灝天 (全場完)】- 2016-17年度中銀人壽香港超級聯賽
【南華 1:0 標準灝天 (全場完)】- 2016-17年度中銀人壽香港超級聯賽

下半場標準灝天未能收復失地，最終南華憑上半場高美斯嘅入球奠定1:0勝局，全取3分。

今日嘅入數係1125人，多謝各位球迷支持！

提提大家，南華將會係9月13日亞協盃8強賽首回合主場迎戰柔佛DT(馬來西亞)，記得入場撐香港球隊！

#開League #南華 #標準灝天 #EmbracetheMoment #中銀人壽香港超級聯賽
港超積分表
【香港U15積極迎接國際賽挑戰!】- 第十一屆韓國15歲以下足球聯賽主席盃暨慶尚北道理事盃國際青少年足球賽
【香港U15積極迎接國際賽挑戰!】- 第十一屆韓國15歲以下足球聯賽主席盃暨慶尚北道理事盃國際青少年足球賽

香港U15係上星期一起程參與係韓國慶尚北道盈德郡舉行嘅「第十一屆韓國15歲以下足球聯賽主席盃暨慶尚北道理事盃國際青少年足球賽」。球隊係B組先後挑戰利物浦、韓國U-15西部聯隊，文來中學爭奪小組出線資格。

首場香港U15以0:6不敵利物浦，但面對強敵，小將們仍有攻門機會，一球中柱一球中楣；第二仗以0:4不敵對韓國U-15西部聯隊，係小組最後一仗以2:1擊敗文來中學，香港U15最終以第三名完成小組賽事。然後到尋日嘅排名賽，香港U15以2:1取得勝仗；今日小將們將會對德甲奧格斯堡，爭奪賽事嘅第9/10名，比心機，珍惜每一個踢國際賽機會！

#香港U15 #撐自己人
港超賽果
【#中銀人壽香港超級聯賽 - 第一週賽果】
【#中銀人壽香港超級聯賽 - 第一週賽果】

話咁快，第一週賽事就完結，傳統勁旅東方龍獅及南華只能小勝升班馬和富大埔及新軍組嘅標準灝天；傑志同冠忠南區繼續鬥得激烈，首仗由傑志先拔頭籌；理文流浪同香港飛馬爭持不下，握手言和；九巴元朗首仗大勝首次挑戰港超聯嘅港會。

東方龍獅 1:0 和富大埔
理文流浪 1:1 香港飛馬
九巴元朗 6:2 港會
南華 1: 0 標準灝天
傑志 3:1 冠忠南區

詳細比賽報告可以㩒入圖片睇到。

#EmbraceTheMoment #HKPL #港超賽果
© 2005 - 2016 Hong Kong Football Association Ltd. 轉發郵件 | 更新郵箱資料 | 取消訂閱

香港足球總會
地址 : 香港九龍何文田佛光街55號
電話 : (852)2712 9122 傳真 : (852)2768 8825 電郵 : hkfa@hkfa.com (一般查詢 )