如閣下不能閱讀此郵件，請點擊此處!  如閣下不希望再收到此郵件，請取消訂閱.
港超360
【傑志 3:1 冠忠南區(全場完)】- 2016-17年度中銀人壽香港超級聯賽
【傑志 3:1 冠忠南區(全場完)】- 2016-17年度中銀人壽香港超級聯賽

上季一直爭持不下嘅兩隊，今季首仗由傑志旗開得勝！
上半場傑志有艾力士先開紀錄；下半場冠忠南區落力反擊，終於係72分鐘，由陸志豪開出角球，加拉度頂入，追和1:1！球賽尾段，冠忠南區有杜馬思失誤再失一球，補時階段傑志再有林恩許快速反擊將比數拉開至3:1，成功係主場首仗擊敗冠忠南區，全取3分。

尾場嘅入場人數係2186人！

第一週賽事完結，球迷們認為邊場最好睇呢？

#開League #傑志 #冠忠南區 #EmbracetheMoment #中銀人壽香港超級聯賽
港超賽程
【南華 1:0 標準灝天 (全場完)】- 2016-17年度中銀人壽香港超級聯賽
【南華 1:0 標準灝天 (全場完)】- 2016-17年度中銀人壽香港超級聯賽

下半場標準灝天未能收復失地，最終南華憑上半場高美斯嘅入球奠定1:0勝局，全取3分。

今日嘅入數係1125人，多謝各位球迷支持！

提提大家，南華將會係9月13日亞協盃8強賽首回合主場迎戰柔佛DT(馬來西亞)，記得入場撐香港球隊！

#開League #南華 #標準灝天 #EmbracetheMoment #中銀人壽香港超級聯賽
港超積分表
【香港U15積極迎接國際賽挑戰!】- 第十一屆韓國15歲以下足球聯賽主席盃暨慶尚北道理事盃國際青少年足球賽
【香港U15積極迎接國際賽挑戰!】- 第十一屆韓國15歲以下足球聯賽主席盃暨慶尚北道理事盃國際青少年足球賽

香港U15係上星期一起程參與係韓國慶尚北道盈德郡舉行嘅「第十一屆韓國15歲以下足球聯賽主席盃暨慶尚北道理事盃國際青少年足球賽」。球隊係B組先後挑戰利物浦、韓國U-15西部聯隊，文來中學爭奪小組出線資格。

首場香港U15以0:6不敵利物浦，但面對強敵，小將們仍有攻門機會，一球中柱一球中楣；第二仗以0:4不敵對韓國U-15西部聯隊，香港U15最終以第三名完成小組賽事。然後到尋日嘅排名賽，香港U15以2:1取得勝仗；今日小將們將會對德甲奧格斯堡，爭奪賽事嘅第9/10名，比心機，珍惜每一個踢國際賽機會！

#香港U15 #撐自己人
港超賽果
【港超聯 - 是日戰果！】- 2016-17年度中銀人壽香港超級聯賽
【港超聯 - 是日戰果！】- 2016-17年度中銀人壽香港超級聯賽

第一週第二日嘅賽事，有理文流浪與香港飛馬1:1握手言和；九巴元朗6:2大勝港會！

-理文流浪 1:1 香港飛馬-

上半場兩隊埋門機會甚多，不過雙方未能破網；下半場戰至80分鐘，理文流浪有新加盟嘅小將謝朗軒沿右路進攻，香港飛馬張志勇截球後，被黃駿軒剷走皮球並送入禁區，謝朗軒控球後推射得手，為理文流浪先開紀錄。香港飛馬迅速反擊，李家豪係82分鐘右路傳中，利馬係近門撞入扳平1:1。最後理文流浪與香港飛馬各得一分。

-九巴元朗 6:2 港會-
上半場7分鐘，雲迪奴域接應談樂軒左路開出角球於混戰中近門撞射得手，為九巴元朗打開1:0紀錄。21分鐘，米高堪士接應芝利卡士一記橫傳起腳勁射入網替港會扳成1:1平手。和局嘅情況只係維持左1分鐘，22分鐘，葉子俊突破敵軍防線單刀射門被馬浩龍擋出，談樂軒補中射入，九巴元朗以2:1再度領前。26分鐘，葉子俊接應隊友一記大腳傳中係無人看管下單刀建功，九巴元朗增添紀錄至3:1。港會亦不乏攻門機會，但被元朗門將彭梓鍵一一解圍，半場九巴元朗以3:1領前。

49分鐘，姚浩明接應顏樂楓一記直線傳送單刀乘馬浩龍出迎之際射入，九巴元朗將比數拉開至4:1。6分鐘後元朗嘅陳衍光禁區起腳射門被敵衛撞出，葉子俊係禁區邊抽射遠柱入網，個人梅開二度替九巴元朗將比數擴大至5:1。79分鐘，港會嘅美菲何利左路斬中，後備入替嘅狄卡倫跳頂入網替港會將比數追至2:5。比賽尾段，希堅奴接應後備入替嘅劉家銘一記傳送單刀射入，替九巴元朗鎖定6:2戰果。

聽日賽事：
南華 vs 標準灝天
下午2點半 將軍澳運動場
傑志 vs 冠忠南區
下午5點半 旺角大球場

#開League #理文流浪 #香港飛馬 #九巴元朗 #港會 #EmbracetheMoment #中銀人壽香港超級聯賽
© 2005 - 2016 Hong Kong Football Association Ltd. 轉發郵件 | 更新郵箱資料 | 取消訂閱

香港足球總會
地址 : 香港九龍何文田佛光街55號
電話 : (852)2712 9122 傳真 : (852)2768 8825 電郵 : hkfa@hkfa.com (一般查詢 )